CEBU CITY – Gipasakaan na og kaso nga paglapas sa PD 1602 o illegal gambling ug Section 12 sa RA 9165 o Comprehensive Dangerous Drug Act of 2002 ang 3 ka sakop sa Armed Forces of the Philippines (AFP) Central Command.
Sila Corporal Edril Bayles, Joar Acuba Rojas-Francisco ug George Gutierrez nga nakadestino sa AFP-CENTCOM ang naka-detain usab karon sa Guadalupe Police Station holding cell.
Mahinumduman nga kagahapon sa buntag adunay concerned citizen nga mitawag sa Guadalupe Police Station sa Cebu City Police Office nga adunay 3 ka mga lalaki nga nagsaba-saba samtang nagduwa og cara y cruz.
Sa dihang gikapkapan sa mga pulis ang giingong mga sundalo narekober sa ilang posisyon ang nagkalain-laing klase sa drug paraphernalia ug 3 ka coins nga gigamit sa giingong iligal nga sugal.
Gihimug-atan usab sa 3 ka sundalo nga lingaw-lingaw lang ang ilang gihimo.
