Gikonsidera nang terminated ang gubat tali sa Estados Unidos ug Iran bisan sa wala pa ang gitakdang deadline niadtong Biyernes, Mayo 1, para sa pag-apruba sa US Congress sa gubat, sumala sa usa ka senior Trump administration official.
Ubos sa War Powers Resolution, si US President Donald Trump adunay deadline kutob gahapong adlawa, aron mangayo og pagtugot sa kongreso nga ipadayon ang panagbangi o tapuson kini, uban ang kapilian nga palawigon ang deadline sulod sa laing 30 ka adlaw.
Sumala sa senior nga opisyal, kinsa nagdumili sa pagngalan, ang away nga nahitabo niadtong Pebrero 28 tali sa Estados Unidos ug Iran natapos na tungod sa kasamtangang ceasefire.
Dugang pa nga ang pagbayloay og mga pag-atake tali sa duha ka nasud mihunong sukad ang ceasefire miepekto niadtong Abril 7 ug sa ulahi gipalugway.
Samtang ang White House unang nagpahibalo sa US Congress sa military campaign batok sa Iran niadtong Marso 2 ning tuiga, diin kining Mayo 1, mao ang 60 ka adlaw nga milestone para sa Presidente sa pagsugod sa “winding-down” sa gubat gawas kon makakuha siya og pagtugot sa kongreso.
