MIDDLE EAST-Magpadala ang US og carrier strike group fighter squadron ug dugang mga barkong warships ngadto sa Middle East.
Kini nunot sa nagpadayong tensiyon nga nasinati human mihulga ang Iran nga mubalos human mapatay ang senior Hamas Leader sa Tehran.
Nimando si Defense Secretary Lloyd Austin sa USS Abraham Lincoln strike group nga ilisan ang USS Theodore Roosevelt strike group nga anaa karon sa Gulf of Oman.
Adunay usab dugang nga mga destroyers ug mga cruiser nga makahimo sa pagdala sa ballistic missile defense nga ipakatap sa Middle East ug Mediterranean Sea.
Ingon man ang USS Wasp amphibious assault ship sa rehiyon diin kini nag-operate sa 24th Marine Expeditionary Unit nga adunay kapasidad sa pagbakwit sa mga lungsuranon niini nga nasakpan sa kagubot.
