Gihangyo sa sikat nga US pop star nga si Ariana Grande ang White House nga undangon ug dili na gamiton ang iyang kanta sa bisan unsang promosyon sa gobyerno.
Kini nga hangyo miguwas human gigamit sa White House ang iyang kanta alang sa pag-promote sa ilang mga immigration policy ubos sa kasamtangang administrasyon.
Ang maong kanta nga giulohan og “Bye,” nga nisikat niadtong tuig 2024, mao ang gigamit nga soundtrack sa kampanya ug video ni US President Donald Trump.
Mipadayag usab sa iyang pagsupak si Grande pinaagi sa pag-komento sa social media post sa White House, diin iyang gipasabot nga dili angay gamiton ang iyang musika sa gitawag niya nga barbaric, ug dili makatao.
Isip tubag, mibarog si White House spokesperson Abigail Jackson nga ang tinuod nga barbaric, dili makatao, ug bayolente mao ang mga illegal alien nga naghimo og krimen nga moresulta sa pagkaangol ug pagkamatay sa mga inosenteng Amerikano.
