CEBU – Nag-viral karon sa social media ang video sa usa ka babaye nga taga San Ildefonso, Bulacan nga naglive-selling sa mga gamit sa iyang mister nga giingong nambabaye.
Makita sa video si Jamille Margarita Galvez nga namaligya pinaagi sa FB live og mga gamit, kawo ug sapatos sa iyahang bana nga giingong “sumakabilang bahay”.
Gilakbitan pa kini ni Galvez og hugot sama sa lig-on ug tarong pa ang maong butang dili sama sa tag-iya.//
Ni-awhag usab kini sa mga asawa nga gibiyaan sa bana nga ibaligya usab ang mga gamit aron wala nay basura pa sa ilahang tagsa-tagsa ka panimalay.
Nasayran nga una kining nihimo sa maong live selling niadtong miaging Huwebes hangtod sa nagtrending kini diin moabot na sa kapin 9,000 ang reactions, 3,500 shares ug 28,000 views ang unang video.
Tungod sa pagviral niini, nihimo si Galvez og ikaduhang video.
Sa usa ka buwag nga post sa social media, balik-balik nga gipangutana niini ang kaugalingon og nganung gibiyaan kini sa iyahang bana.
Usa na karon ka singlemom si Galvez ug adunay 3 ka anak.
