CEBU – Malampuson nga gironda sa kapulisan sa dakbayan sa Sugbo ang usa ka business establishments nga nakalapas sa mga guidelines nga gipatuman ning panahon sa pandemya.
Segun kang Cebu City Police Office, City Intelligence Unit Head PLt.Col Randy Caballes, usa sa mga concerned citizens ang nagpahibawo sa kapulisan kabahin niini ug sa dihang gisuta sa CCPO, positibo ang maong taho.
Matud ni Caballes nga ‘by booking’ ang pagdawat ug mga customer sa maong bar nga anaa mahimutang sa ika-22 nga andana sa usa ka building sa Brgy. Luz syudad sa Sugbo.
Paga-bot sa kapulisan sa area, fully booked matod pa ang maong establishment. Uban sa katambayayong nga mga ahensiya sa syudad naturned over na sa Cebu City PROBE ang anaa sa 112 ka mga indibidwal nga nasikop atol sa operasyon.
Sa laing bahin, gikumpirmar ni Caballes nga igo lang nga nag-abang ang maong bar sa maong building diin nakalapas kini sa gipatuman nga curfew ug uban pang health protocols batok sa COVID-19.
