Cebu City- Wala na makagawas pa sa ilang panimalay ang mag tiayong Paz kauban ang ilang 10 anyos nga anak sa dihang miulbo ang kayo sa ilang gipuyp-ang bunkhouse sa Bry Tipolo dakbayan sa Mandaue ganihang sayo sa buntag. Apil sa mga nangapaig mao sila si Antonio Paz, Marice Paz ug ang ilang anak nga si EJ Paz.
Matud ni SFO1 John Heredia, ang imbestigador sa BFP 7 nga nakit-an na lamang sa mga silingan nga dako na ang kayo sa bunkhouse nga gipuy-an sa mga biktima. Nadawat sa mga kabomberuhan ang alarma 4:10 sa buntag. Matud pa nga dali nga gikaon sa kayo ang balay apan wala na kini nakatabok pa sa silingang panimalay gumikan sa firewall nga nakapalibot niini.
Ang magti-ayon ang pulos trabahante sa lumber shop nga tapad lamang sa ilang gipuy-an. Mipasalig naman ang amo sa mga biktima nga muhatag ug tabang pinansyal.
Wala pa masuta kung unsa gayud ang hinungdan sa sunug.
