-- ADVERTISEMENT --

Masaligon ug andam na ang Filipino mixed martial arts (MMA) fighter nga si Zenneth S. Pacible sa iyang umaabot nga internasyonal nga sangka batok sa usa ka kaatbang gikan sa South Korea, nga ipahigayon sa Sugbo karong umaabot nga Nobyembre 28, 2026.

Sa usa ka pakighinabi, gibutyag ni Pacible nga duha na ka bulan ang iyang subsob nga pagbansay, diin nag-ensayo siya og lima ka adlaw matag semana alang sa maong international fight.

Gawas sa MMA, gibaid usab niya ang iyang abilidad sa Muay Thai kauban si Coach Norris, lakip na ang Jiu-Jitsu aron maseguro ang iyang hingpit nga kaandam.

Matud pa ni Pacible, nga maoy morepresentar sa Pilipinas sa maong kalihokan, gihimo niya ang tanang pagpangandam ug giubanan kini og pag-ampo aron maangkon ang kadaugan.

Basi sa iyang obserbasyon ug sa gipakitang performance atol sa iyang mga pad works ug sparring sessions, kompyansa ang Sugbuanong fighter nga labaw siya sa iyang Korean opponent sa standing, striking, ug ground techniques, ug dako ang iyang pagsalig nga siya ang mogawas nga kampeon sa maong sangka.

-- ADVERTISEMENT --