Gipasiugda sa Opisina sa Ombudsman nga walay luna ang kultura sa ‘utang kabubut-on’ taliwala sa mga opisyal sa gobyerno ug sa tibuok serbisyo publiko.
Sa usa ka pahayag, kusganong gipahinumdoman sa Ombudsman ang mga opisyal nga ang responsibilidad ngadto sa katawhan mas labaw ug importante kaysa pagpakita og pasalamat sa bisan kinsang ‘donor’ o nagdonar ngadto sa usa ka alagad sa publiko.
Ang maong termino o kostumbre sa mga Pilipino nahisgotan human ang Ombudsman nagpasaka og mga kaso batok kang Senador Rodante Marcoleta, kanhi Anakalusugan Partylist Rep. Mike Defensor, ug uban pang mga indibidwal.
Kini nga mga kaso naggikan sa mismong pag-angkon ni Senador Marcoleta nga nakadawat siya og ‘mga donasyon sa kampanya.’
Sumala sa Ombudsman, ang rason sa magbabalaod nga aduna siyay ‘utang na loob’ sa nadiskobrehang donasyon nga mikantidad og 75-milyon ka pesos, mao gyod ang eksaktong hinungdan kon ngano ug para sa unsa gihimo ang mga balaod batok sa graft ug bribery.
Busa, luyo sa pipila ka adlaw nga ‘rally’ nga gihimo sa iyang mga tigpaluyo lakip na ang mga miyembro sa Iglesia Ni Cristo (INC), gipadayon gihapon sa Tanodbayan ang pagpasaka sa maong mga kaso.
