Gipasabot ni Dr. Rene Josef Bullicer, ang Vice President Council of Laity nga ang Ash Wednesday mao kini ang unang adlaw sa pagsugod sa kuwarisma, diin nagpasabot kini sa pagpamalandong ngadto sa Ginoo.
Dugang ni Bullicer nga ang kurisma nagpasabot sa 40 ka adlaw nga pagpamalandong ngadto sa Ginoo human siya gibunyagan ni San Juan Bautista, ug niadto sa kamingaw.
Mao kini ang gikabutyag ni Bullicer atoll sa eksklusibong pakighinabi sa Bombo Radyo Cebu News team kaniya, ug iya usab nga giasoy nga sulod 40 ka adlaw nga pagpamalandong ngadto sa Ginoo human siya nabunyagan, wala kini kaon o inom.
Hinungdan nga gihimo kini sa tanang Romano Katoliko nga Simbahan nga ang tanang magsugod na sa pagpamalandong sa pagsugod sa kuwarisma o ang pagsugod sa Miyerkules sa Badlis, o subay sa hangyo na ngadto sa katoliko nga mo bisita sa mga simbahan aron magpabadlis sa agtang nga naghatag og simbolo sa pagsugod sa 40 ka adlaw nga kursima.
Giklaro usab ni Bullicer adunay duha ka tulumanon nga gikinahanglang buhaton isip usa ka katoliko, una niini mao ang kung ang usa ka indibidwal nag edad na og 14 anyos pataas, gidili na ang pagkaon niini og karne sa tanang oras sa pagkaonan.
Ikaduha, mao ang pagpuasa, apan kung adunay mga gipanghambin sa lawas, mamahimo ra nga dili mosalmot sa pagpuasa.
Apan wala ra usab gisalikway ni Bullicer nga ang hangyo sa Romano Katoliko nga Simbahan ang pagbaton og gamay nga pamahaw, insaktong paniudto, ug balik sa gamay nga panihapon.
