UNITED STATES-Nakuha na ni US Vice President Kamala Harris ang nominasyon sa pagkapresidente sa Democratic Party.
Siya lamang ang kandidato sa balota sa lima ka adlaw nga electronic vote sa 4,000 ka mga party convention delegates.
Tungod niini, segurado nga makigtigi siya sa eleksiyon batok sa iyang kakompetensya nga si kanhi US President Donald Trump.
Opisyal siyang tawgon nga nominado sa pagkapresidente sa partido sa Democratic convention sa Chicago sa umaabot nga mga bulan.
Ang 59-anyos nga si Harris miingon nga malipayon kaayo siya nga napili isip presumptive Democratic nominee alang sa Presidente sa Estados Unidos.
Kahinumduman, nga siya nga gipili ni US President Joe Biden nga mopuli sa pagka-presidente sa US human siya hingpit nga niatras tungod sa panawagan sa kadaghanan sa iyang mga miyembro sa partido.
