CEBU CITY – Nangayo og dispensa ang mga representante sa WestVac Biopharma sa pagpahigayun og clinical trials sa ilang bakuna kontra COVID-19 nga walay pagtugot sa City Government.
Atul kini sa nahitabong pagdungog sa City Council kagahapon diin gipangulohan ni Dr. Jemala Anne Sanchez, usa ka oncologist sa maong clinical trial.
Gipahigayun usab ang maong eksperimento sa Perpetual Succour Hospital diin gitataw sa doktora nga sukad-sukad kay dili manginahanglan og pagtugot sa local government unit (LGU) ang clinical trial.
Apan, gitataw niini nga tungod sa COVID-19 pandemic, butang nga sayup nila kay wala nila nahatagan og konsiderasyon ang interest sa publiko, ilabi na sa luwas ug epektibong bakuna.
Dugang pa niini nga gisaaran sila sa WestVac nga kumpleto na kini og permits gikan sa Department of Science and Technology (DOST), Food and Drug Administrations (FDA), ug sa Department of Health (DOH).
Una nang nagsugod ang clinical trial niadtung buwan sa Hulyo diin anaa na sa 700 kapin ang naturukan niini. – BEP
