Mitaho ang World Health Organization (WHO) nga ang risgo sa pagkatap sa Nipah virus kay ubos ra nga matod pa sa kapin 190 nga contact sa duha ka infected sa India ang nagpositibo o nagka-develop og simtomas sa sakit.
Ingon man nga ang mga nasud nga Hong Kong, Malaysia, Singapore, Thailand ug Vietnam kay nihahugot gihapon sa ilang airport screening checks karong semanahona aron minusan ang pagkatap sa kumpirmadong impeksyon gikan sa India.
Sumala pa ni Anais Legand nga usa ka opisyal sa WHO Health Emergencies Programme nga ang national, regional ug global level risk sa sakit kay gikonsiderar nga ubos. Gani ang mga infected nga mga pasyente kay nagpaalim sa tambalanan nga aduna nay signs of improvement.
Dugang pa niini nga ang WHO kay nagpaabot nalang sa India sa pagpagawas og sequence of the virus aron masuta ang posibilidad sa mutation.
Ang Nipah virus kay gagikan sa mga fruit bats ug uban mga hayop sama sa baboy diin ang virus kay makapahilanat ug brain inflammation. Ang fatality rate sab niini kay nagduwa sa 40%-70% og wala pay namugna nga tambal niini apan ang development sa vaccine kay anaa pa sa testing stage.
