Gikasubo sa World Health Organization (WHO) ang abiso sa Estados Unidos nga kini permanente nga mo-atras gikan sa organisasyon.
Sumala sa WHO, ang Amerika nakahatag og dakong kontribusyon sa mga nahimo sa organisasyon, lakip na ang pagwagtang sa bulutong ug ang pakigbatok sa polio, HIV, Ebola, influenza, tuberculosis, malaria, ug uban pang mga sakit.
Nipadayag ang WHO og pagbasol sa desisyon sa USA, nga makaapekto dili lamang sa ilang nasud apan lakip usab sa kaluwasan sa tibuok kalibutan.
Ang butang hisgutan sa WHO Executive Board sa umaabot nga Pebrero 2, 2026 ug sa World Health Assembly sa Mayo 2026.
Gisaway sa Estados Unidos ang giingong kapakyasan sa WHO sa pagtubag sa pandemya sa COVID-19, apan giinsistir sa WHO nga sila molihok dayon ug klaro sa pagpaambit sa impormasyon ug paghatag og giya sa mga nasud.
Hugot usab nga gihimakak sa WHO ang akusasyon nga kini nahimong politikal ug gidominar sa mga nasud batok sa interes sa Amerika, ug giinsistir nga kini nagpabilin nga walay gidapigan ug matinud-anon sa tanang 194 ka Miyembro nga Estado.
Naglaum usab ang WHO nga ang Estados Unidos moapil pag-usab sa umaabot, samtang nagpadayon kini sa pagtuman sa mandato niini aron masiguro ang labing taas nga makab-ot nga sukdanan sa kahimsog isip usa ka katungod sa tanan nga mga tawo.
