Kinse ka tuig na ang nakalabay dihang natala ang world record sa pinakataas nga paglupad sa eroplanong papel pinaagi ni Takuo Toda sa Japan apan posible na kining mabungkag sa usa ka grupo sa Chinese teenagers kung ma-aprubahan na sa Guinness World record ang ilang aplikasyon.
Seryoso sila Liu Liwen ug ang iyang mga ka-uban sa paghimo og paper airplanes kon diin sulod sa 60 ka adlaw, nakabungkag sila og duha ka world records.
Niadtong Pebrero 11, nagtigom sila sa Kunshan Sports Center sa Jiangsu aron sulayan pagbungkag ang rekord dala ang 10 ka paper airplane designs ug nalik-balik kining gipalupad aron makuha ang pinakataas nga oras sa paglupad.
Ang karaang rekord mao ang 29.2 seconds nga gitakda ni Takuo Toda niadtong 2010. Apan nabungkag kini sa mga batan-ong Intsik. Nakab-ot ni Rao Chongyi (16 anyos) ang 31.15 seconds, ug ang eroplano ni Liu Liwen milupad og 31.25 seconds.
Sa miaging tuig, misulay na sila pero 0.2 seconds ra ang kulang sa rekord. Bisan napakyas sila, wala sila niundang.
Mas kahibulngan pa kay niadtong Disyembre 28, 2025, kining mao gihapong team nakabungkag usab sa record sa pinakataas nga gilay-on sa paper airplane, nga nakaabot og 98.43 metros.
