Gipahibalo sa unang higayon ni Ukraine President Volodymyr Zelensky nga andam siyang itugyan ang teritoryo sa Ukraine ngadto sa Russia aron tapuson ang gubat.
Matud niini nga iyang nasod mahimong temporaryong itugyan ang yuta niini baylo sa pagpasakop sa mga teritoryo nga kontrolado gihapon sa Ukraine ngadto sa North Atlantic Treaty Organization (NATO).
Dugang pa ni Zelensky nga sa higayon nga nasabotan na ang ceasefire tali nila ug Russia, siya miingon nga ang Ukraine mahimong makigsabot sa diplomatikong pamaagi aron ibalik ang teritoryo sa silangan nga kontrolado karon sa Russia.
Kini nga mga pahayag ni Zelensky nagpakita sa dakong kausaban sa iyang posisyon.
Samtang, sa dihang gipangutana si Zelensky kung andam ba siya nga itugyan ang Ukraine sa Russia baylo sa hingpit nga pagkamiyembro niini sa NATO, mitubag si Zelensky nga posible kini apan giingon niya nga wala’y usa nga nagtanyag kanila nga mahimong mga miyembro sa NATO sa usa ka bahin o lain nga bahin sa Ukraine.
Gani, matud niini nga laing nasod ang misugyot na og ceasefire agreement tali sa Ukraine ug Russia ug kon uyonan ang ceasefire, makagarantiya kini nga dili na makabalik sa Ukraine si Russian President Vladimir Putin.
Mao nga kinahanglan nila ang proteksyon sa NATO tungod kay kung wala kini, giingon niya nga manimalos si Putin kanila.
