Zelensky, gikondenar ang bag-ong pag-atake sa Russia

Gikondenar ni Ukrainian President Volodymyr Zelensky ang padayon nga mga pag-atake sa Russia batok kanila.

Matod ni Zelensky, mokabat sa 20 ka mga tawo ang namatay sa mga pag-atake sa kahanginan sa Russia sa nagkalain-laing bahin sa sentral ug sidlakang Ukraine.

Gipuntirya sa Russia ang usa ka residential building sa Pryluky, sa rehiyon sa Chernihiv.

Dugang pa ni Zelensky, mibalos sila batok sa Russia pinaagi sa pag-atake sa mga rehiyon sa Perm, Samara, ug Astrakhan.

Tungod niini, subling nanawagan si Zelensky sa mga kaalyadong nasod nga ipadayon ang ilang suporta alang sa depensa ug pagsukol sa Ukraine batok sa Russia.