CEBU CITY-Duna nay napulo ka mga pasaherong pinoy nga gikan sa Hong Kong ang kasamtangang gipaubos sa 14 days mandatory quarantine diin anaa kini karon sa usa sa mga identified tambalanan nga mao ang Eversley Child Sanitarium General Hospital nga nakabasi sa Dakbayan sa Mandaue.
Pagtino pani Cebu Provincial Governor Gwendolyn Garcia kinsang mao usay nangulo sa 2019 Novel Corona Virus Task Force sa probinsiya sa sugbu. Matud pa sa gobernadora nga ang maong mga pinoy maoy labing unang batch sa gipaubos sa quarantine human kini niabot buntag sa Pebrero 3,2020 sa Mactan Cebu International Airport (MCIA).
Si Garcia nagkanayon nga gi-eksplikaran na usab sa taga Bureua of Quarantine ug sa taga MCIA ang maong mga pinoy ug pamilya niini nga tipik ug kabahin ang ilang gihimo nga safety protocol sa probinsiya aron dili mukatap ang maong virus sa Sugbo.
Dugang pa niini nga gawas sa 14 days quarantine gilaraw usab karon sa 2019 Novel Corona Virus Task Force nga ipaubos sa home quarantine ang dugang nga mga pasahero kung dili na masulod sa mga identified nga mga quarantine hospitals apan sa pagkakaton gihan-ay pa ang protocol niini. | By Bombo Eric Amaro
