NIGERIA-Patay ang labing menos 10 ka mga tawo lakip niini ang upat ka mga bata tungod sa stampede sa kaulohan sa Nigeria atol sa gipahigayon nga Christmas charity event.
Nahitabo ang insidente dihang nagtapok ang daghang tawo aron mokuha og mga pagkaon nga gipang-apod-apod sa usa ka simbahan sa usa ka kalihokan sa Pasko.
Gikanayon sa kapulisan nagkanayon nga kapin sa 1,000 ka mga tawo ang gipabakwit gikan sa Holy Trinity Catholic Church sa Maitama human sa insidente.
Sa nikatap nga video sa social media diin nakita ang mga patay nga lawas nga nagbuy-od sa yuta ug ang mga tawo nga nagsinggit og tabang.
Matod sa kapulisan nga pipila sa mga naangol ang nakagawas na human sa pagtambal samtang ang uban gikataho nga padayon pa nga gitambalan.
Kini nagtimaan sa ikaduha nga susamang insidente sa labing populasyon nga nasud sa Africa samtang ang lainlaing mga simbahan ug indibidwal nag-organisar og gugma nga putli sa wala pa ang Pasko.
