15-anyos nga babaye sa Guatemala nga gituohang namatay na, nilihok sulod sa lungon human sa milabay nga walo ka oras

Nalisang ug napuno sa pangangha ang mga kabanay nga nag-andam sa paglubong sa 15-anyos nga dalagita sa Guatemala human nadiskubreng buhi pa kini sulod sa lungon, walo ka oras human gituohang namatay.

Giingong nakuyapan ang dalaga ug wala nay gipakitang timailhan sa kinabuhi, hinungdan nga gituohan sa iyang amahan nga patay na kini
apan imbes nga dad-on sa ospital, giandam na sa amahan ang paglubong sa iyang anak.

Walo ka oras ang milabay, namatikdan sa mga tawo ang paglihok sulod sa lungon.

Sa dihang ilang gisusi, didto nadiskobrehan nga buhi pa diay ang 15-anyos.

Wala pay dugang impormasyon kon unsay nahitabo human sa maong pagkadiskobre ug unsa ang kasamtangang kahimtang sa dalagita.