LILOAN, CEBU-Patay nang napalgang ang lawas sa usa ka 17-anyos nga dalagita kinsa tinun-an sa Grade 12 sulod sa iyang kwarto human kini wala tuguti sa iyang apohan nga mangumbira sa adlaw natawhan sa suold nga higala niini sa Barangay Lataban, lungsod sa Liloan, sa amihanang Sugbo pasado alas 3 sa hapon niadtong adlaw nga Sabado, Nobyembre 9, 2024.
Atol sa gilusad nga imbestigasyon sa Liloan Municipal Police Station diin nasuta niini nga pasado alas 7:50 sa gabii sa samang adlaw kay nakugang ang usa ka inahan human iyang anak dili mutubag kun tawgon sulod sa kwarto niini tungod nanirado sa maong lawak kay nahiubos kay wala tuguti sa apohan makatambong sa hikay sa adlawng natawhan sa iyang higala.
Sa pagsaka sa inahan sa maong kwarto, napalgan na niini ang lawas sa iyang dalagitang anak nga nagbuy-od sa hinigot nga habol ngadto sa kisame og sa liog niini.
Gisuwayan pang gidala sa tambalanan sa Eversly Child Sanitarium and General Hospital sa Jagobiao, dakbayan sa Mandaue ang dalagita apan gideklarar na kining dead on arrival.
Pahimangno sa Bombo Radyo Ceb usa publiko, ilabi na sa mga indibidwal nga adunay gipamating depresyon,grabeng kaguol, o balatian nga emosyonal nga panglawas (mental health) kay pwedeng mukab-ot sa mga numero aron sa propesyonal nga atensyong medical dalit sa Department of Health (DOH).
Kab-ota lang ang linya sa DOH suicide prevention hotline sa 0917-899-8727.
