Gikatahong patay ang 17 ka mga tawo human gipauwanan og bala sa mga Israeli militar ang Gaza samtang nagkuha kini og hinabang niadtong Sabado.
Giisip kini nga usa ka mass shooting diin matud sa mga saksi nga gipusil sa ulo ug lawas ang mga nangamatay.
Apan, sa habig sa Israel military nga ang maong pagpamusil kay usa lamang ka warning shot ug wala silay nakita nga naigo.
Samtang, gitaho usab ang pagkalangan sa ceasefire deal sa Gaza tungod sa mga nagkandaiyang mga posisyon sa Partido, sa pag-atras sa mga pwersa sa Israel gikan sa Palestinian enclave.
Sumala sa mga taho gikan sa Palestine ug Israel, ang dili direkta nga negosasyon nagpadayon sa 60 ka adlaw nga ceasefire nga gisugyot sa Estados Unidos niadtong Sabado.
Ingon man nga si U.S. President Donald Trump kay naglaum sa pag-uswag sa negosasyon.
