Gisugdan na ang kick off sa 18-Day Campaign to End Violence Against Women kini gisalmotan sa mga representante sa mga kababaye-an gikan sa mga sector sa national agencies, kapulisan, barangay, pribadong organisasyon, ug daghan pa.
Ang maong kalihokan gipangulohan sa Cebu City Government diin ang tumong kay ang hiniusang panawagan sa pagtapos sa pagpanagmal ug uban pang matang sa kapintasan sa kababaye-an.
Ingon man nga ang kampanya kay molungtad hangtod sa December 12 diin gihandom ang International Day Against Trafficking.
Sa pakighinabi sa Bombo Newsteam kang Maricar Bontuyan, President sa GAD Federation gawas sa 80 ka mga barangay ang nisalmot kay anaa usab ang uban pang ahensya sama sa DSWD, Vicente Sotto, non-government offices ug uban pa.
Gipaambit usab niini nga sunod-sunod ang mga seminars nga ilang ipahigayon aron ipadayag ang mga katungod sa kababayen-an hilabi na ngadto sa mga nakasinati og pagpang-abuso. via Bombo Rexmond Omega
