ISRAEL-HEZBOLLAH,WAR- Labing menos anaa na sa 18 ka mga tawo ang namatay human ang Israeli airstrike miigo sa usa ka residential area sa Beirut, ang kaulohan sa Lebanon.
Sumala sa mga otoridad, adunay 92 ka samdan nga daling gidala sa tambalanan.
Kadaghanan sa mga lumulupyo sa lugar mga Shia Muslim nga gi-uban sa Israel sa Hezbollah.
Gipaabot pa sa mga otoridad nga posibleng mosaka pa ang ihap sa mga naangol tungod sa grabeng kadaot nga nahiagoman sa mga biktima sa maong dapit.
Ang Israel Defense Forces nag-isyu ug evacuation order sa mga residente sa Haret Hreik sa habagatang Beirut.
Matod sa Israeli military nga sa mosunod nga mga adlaw ilang atakehon ang lugar ilabi na ang mga pasilidad nga gi-operate sa Hezbollah.
Una nang niingon si Israel Prime Minister Benjamin Netanyahu nga dili sila mohunong sa pag-atake sa balwarte sa Hezbollah sa Lebanon isip balos sa ilang gihimo kanila.
