Narekober ang duha ka mga patayng lawas sa hostage sa Hamas gikan sa habagatang Gaza sa usa ka hiniusang operasyon militar sa Israeli Defense Forces ug sa Shin Bet security agency.
Usa kanila mao si Yair Yaakov, kinsa gipatay sa mga militanteng Islamic Jihad atol sa teroristang pag-atake nga gipangulohan sa Hamas niadtong Oktubre 7, 2023.
Si Yaakov, 59anyos sa dihang siya gipatay duol sa Kibbutz Nir Oz ug ang iyang patayng lawas gidala sa ulahi ngadto sa Gaza.
Ang kauban ni Yaakov ug duha sa iyang mga anak nadakpan usab apan sa ulahi gibuhian ubos sa miaging hostage agreement..
Gikompirmar usab ni Israel nga na-recover na niini ang mga patayng lawas sa ikaduhang hostage gikan sa maong lugar apan wala pa kini makapagawas sa iyang pagkatawo isip pagtahod sa gusto sa pamilya.
Sa usa ka pahayag, ang Punong Ministro sa Israel nga si Benjamin Netanyahu, kauban ang tanan nga mga tawo sa Israel ug iyang asawa, nagpahayag sa ilang lawom nga pahasubo.
Gisubli sa Hostages and Missing Families Forum ang ilang hangyo sa mga tighimog desisyon nga makab-ot ang usa ka bug-os ug komprehensibo nga kasabutan nga ibalik ang tanan nga 53 nga nahabilin nga mga hostage ug tapuson na ang away.
Sumala sa grupo, 53 ka mga hostage ang nagpabilin sa Gaza, diin ang usa gitanggong sukad niadtong 2014. Samtang 20 niini ang gituohang buhi ug 31 ang patay na, sumala sa gobyerno sa Israel.
