Gidakop ang duha ka mga Pilipino sa Hong Kong tungod sa pagsuway sa pag-withdraw og $10 bilyon gikan sa usa ka bangko gamit ang peke nga mga dokumento.
Usa sa mga suspek ang 68-anyos nga tiguwang kauban niini ang usa ka 38-anyos nga babaye nga nagpaila sa iyang kaugalingon nga abogado.
Basi sa report sa Philippine consulate general sa Hong Kong, ang duha giingong mipresentar og peke nga capability letter, warrant letter, ug certificate of balance gikan sa Hong Kong ug Shanghai Banking Corp. sa pag-withdraw og dakong kantidad.
Gawas sa duha ka mga Filipino, gidakop usab sa mga awtoridad ang ilang giingong tulo ka mga kakunsabo: usa ka Malaysian, Taiwanese, ug usa ka Chinese.
Una nang gibalibaran sa mga otoridad ang hangyo sa piyansa sa duha ka Filipino, apan gi-reschedule ang pagdungog sa piyansa ugmang adlawa, Pebrero 27.
Kung mapamatud-an nga sad-an, mahimo silang mapriso hangtod sa 14 ka tuig.
