Namatay ang duha ka piloto human ang usa ka eroplano sa Air Canada Express nabangga sa usa ka truck sa bombero sa runway sa LaGuardia Airport sa New York niadtong gabii sa Marso 22.
Nahitabo ang insidente sa dihang milanding ang Flight AC8646 gikan sa Montreal, nga gidumala sa Jazz Aviation.
Basi sa taho nga ang eroplano adunay sakay nga 72 ka pasahero ug upat ka tripulante, diin silang tanan naluwas, apan ang uban nakaangkon og gagmay nga mga samad.
Ang airport gisirado dayon ug ang Federal Aviation Administration (FAA) nag-isyu og ground stop, nga miresulta sa pagkansela o pag-divert sa kapin sa 500 ka mga flight paingon sa mga airport sa JFK ug Newark.
Ang cockpit sa eroplano grabe nga nadaot, samtang ang FAA ug ang National Transportation Safety Board (NTSB) nag-imbestiga kung ngano nga ang trak sa bombero naa sa runway sa panahon sa pag-landing.
Nakahatag og dakong pagkabalda ang trahedya sa liboan ka mga pasahero ug giisip nga usa sa pinakagrabe nga insidente sa LaGuardia sa bag-ohay nga mga tuig.
Mihimo na og imbestigasyon ang mga otoridad aron mahibal-an kung ang operational error, miscommunication, o uban pang mga hinungdan ang hinungdan sa insidente.
