-- ADVERTISEMENT --
MANDAUE CITY– Padayon pa ang imbestigasyon sa Mandaue City Fire Department sa hinungdan sa nahitabong sunog kagahapong adlawa sa Sitio Pilapil, Brgy. Casuntingan dakbayan sa Mandaue.
Gibutyag ni FO1 Anne Carmel Villarba ang radio operator sa Mandaue City Fire Department nga gibana-bana nga anaa sa gatosan ka panimalay ang gilamoy sa kayo sa nahisgutang sunog.
Nakadawat ang mga kabomberohan sa alarma pasado alas dos na sa hapon ug giisa kini sa fourth alarm.
Mikabat ngadto sa P460,000 ang danyos sa maong sunog ug anaa sa 200 ka mga pamilya ang apektado.
Gideklarar nga under control ang sunog pasado alas-3:24 sa hapon. Hinuon wala ray naangol o namatay sa nahisgutang insidente. (Lahvi Quiñones)
-- ADVERTISEMENT --
