CEBU CITY- Napalgan nga wala nay kinabuhi sulod sa kasilyas (comfort room) ang usa ka 21 anyos nga lalaki human giingon nga nagkutlo sa kinabuhi gamit ang bakos sa iyahang boarding house sa De Guzman Compound 54, Sitio Eskapa, dalan F. Pacaña, Barangay Tisa ning dakbayan sa Sugbo kagahapon adlaw sa Lunes, Nobyembre 11, 2024.
Giila ang biktima nga si Angelo Javierto Lanada kinsa gikatahong nagkutlo sa iyang kinabuhi tungod sa dili pagsinabtanay sa kapuyo niini.
Sa eksklusibong pakighinabi sa Bombo Newsteam kang Princess Torevillas, usa sa boardmate sa maong dapit nga matod pa niya nga posibling tungod sa lalis sa manag-uyab ang hinungdan sa maong pagkutlo ni Lanada sa iyang kinabuhi.
Kana gumikan, kay sa wala pa ang ang panghitabo grabi ang away nga ilang nadungog sa manag uyab sa ilang boarding house.
Kasamtangan nga anaa karon sa usa ka punerarya sa dakbayan sa Sugbo ang maong patay nga lawas.
