Gikumpirma sa direktor sa AI-Shifa Hospital nga 21 ka mga bata sa Palestinian ang namatay tungod sa kagutom ug malnutrisyon sa niaging tulo ka adlaw.
Si Dr. Mohammed Abu Salmiya niingon nga ang mga kaso sa mga sakit nga may kalabutan sa kagutom nagkadaghan na sa nahabilin nga mga ospital sa Gaza.
Dugang niya nga kini tungod sa nagpadayon nga kakulangan sa pagkaon ug tambal taliwala sa walay hunong nga opensiba sa Israel.
Sukad nga nabuak ang ceasefire niadtong Marso, ang Gaza napailalom na usab sa usa ka bug-os nga blockade, nga adunay limitado nga tabang nga nisulod sukad sa Mayo niining tuiga.
Sumala sa UN, kapin sa 1,000 ka Palestinians ang napatay samtang naningkamot nga makakuha og hinabang, kadaghanan kanila duol sa mga lugar nga gidumala sa Gaza Humanitarian Foundation (GHF).
Samtang, ang World Health Organization nag-ingon nga ang mga pwersa sa Israel nakasulod sa usa sa mga pasilidad niini ug gidakop ang daghang mga kawani niini.
Gi-report usab sa Ministry of Health sa Gaza nga kapin sa 59,000 ka mga tawo ang namatay sukad nagsugod ang gubat kaniadtong Oktubre 2023.
