CEBU CITY-Gipusil-patay ang usa ka 24-anyos nga lalaki nga napalgan sa Barangay Adlaon sa bukirang bahin sa dakbayan sa Sugbo pasado ala 1 sa kadlawn niadtong adlaw sa Sabado, Nobyembre 16, 2024.
Giila ang biktima nga si Cliesthenes Arcilla Gabu, 24-anyos, usa ka tinun-an sa pampublikong tunghaan sa naasoy nga barangay ug lumulupyo sa Sitio Camadre Cacawan sa samang barangay.
Atol sa gilusad nga imbestigasyon sa Adlaon Police Community Precint diin napalgang patay ang lawas sa biktima sa maong dapit human adunay mitaho nga adunay usa ka motorsiklo nga giabandunar gawas sa usa ka menteryohan.
Didto na mirespondo ang mga kapulisan og didto nasayran nga ang abandonadong motorsiklo ay adunay tinulo sa dugo og sa pagsubay didto natultulan ang patayng lawas kapin 50 metros ang gilay-on.
Dali dayon kining mitawag sa mga sakop sa Scene of the Crime Operatives (SOCO) aron maproseso agn patayng lawas sa biktima.
Matod sa mga imbestigador nga nakakuha sila og duha ka basiyo sa bala sa wala pa mailhing kalibre sa armas nga gituohang maoy gigamit sa pagpatay sa biktima.
Kasamtangang nagpadayon pa ang imbestigasyon sa mga sakop sa kapulisan sa dakbayan kabahin sa nahitabong krimen.
