CENTRAL VISAYAS-Nakaangkon og dagkong kapildihan ang teroristang grupo sa Central Visayas sa bulan sa Oktubre, human ang sunod-sunod nga operasyon sa Visayas Command (VISCOM).
Sa kinatibuk-an walo ka armadong engkwentro ang nahitabo sa tibuok rehiyon sa Kabisay-an niadtong Oktubre nga misangpot sa pag-neutralize sa 28 ka mga terorista sa NPA; tulo (3) niini ang namatay atol sa mga engkwentro samtang 25 ka mga terorista sa NPA ang nibalik sa sabakan sa Gobyerno.
Sa 25 ka teroristang NPA nga mitugyan sa gobyerno, 19 ang regular nga miyembro sa teroristang grupo samtang unom (6) ang miyembro sa Militia ng Bayan, Kini gawas sa 61 ka mga supporter sa CPP-NPA nga nisaway sa ilang suporta sa teroristang grupo ug misaad sa ilang pag-unong sa gobyerno.
Dugang pa, nga adunay 30 ka sari-sari nga armas ang nasakmit ug unum (6) ka anti-personnel mine.
Matud pa ni Lieutenant General Benedict M Arevalo PA, ang Commander sa VISCOM nga dili mapakyas ang ilang mga paningkamot batok sa CPP-NPA.
Sa maong ihap, sa Central Visayas adunay niadtong Oktubre 18, pinaagi sa paningkamot sa 47th Infantry Battalion ug Provincial Government sa Bohol, 61 ka miyembro sa Hugpong Mag-uumang Bol-anon (HUMABOL) ug Talibon-Trinidad Integrated Farmers Association (TTIFA), parehong usa ka CPP-NPA nga mga organisasyon sa katawhan, nihatag sa ilang suporta gikan sa teroristang grupo ug misaad sa ilang pagkamaunongon sa gobyerno, samtang sila nanumpa atubangan ni Gobernador Erico Aristotle Aumentado.
Gidayeg ni Lt Gen Arevalo ang mga tropa tungod sa pagpabiling lig-on sa ilang pasalig nga tapuson ang lokal nga armadong panagsangka sa rehiyon, samtang giawhag niini ang mga salin sa CPP-NPA nga pilion ang dalan sa kalinaw ug mobalik sa sakup sa balaod, gumikan kay ang ilahang mga paningkamot mapadayon ug walay hunong.
