TOLEDO CITY, CEBU- Gikatahong gitabangan og pagpanamastamas ang usa ka 8-anyos nga batang babaye sa mga menor-de-edad nga mga lalaki nga nagpangidarong 11, 12, 15-anyos sa usa ka sapa sa bukirang bahin sa dakbayan Toledo, pasado alas 2 sa kahapunon niadtong Disyembre 20, 2024.
Matod pa sa inahan sa biktima nga niadtong higayona kay gidala ang iyang 8-anyos nga babayeng anak sa sapa nga aduna lang sa distansya sa ilang panimalay sa mga ig-agaw niini uban ang usa ka 12-anyos nga lalaki kinsa silingan ra nila sa maong dapit.
Dugang pa nga didto sa sapa gisugo sa 12-anyos ang iyang mga kauban nga hilabtan ang biktima samtang ang usa ka 9-anyos nga kaliwat sa biktima kay mihimo sab og law-ay nga binuhatan samtang nakasaksi sa panghitabo.
Human nila gihilabtan ang biktima, ang 9-anyos nga ig-agaw sa biktima ra sab ang mitug-an sa panghitabo nga nahitabo sa doul nga sapa.
Hinungdan nga pag-abot sa inahan kay dali kining nagpa-blotter sa Toledo City Police Station.
Gumikan kay mga menor-de-edad ang mga suspetsado sa krimen hinungdan nga gi-turnover ra kini sa kustodiya sa Department of Social Welfare and Development (DSWD) sa dakbayan sa Toledo.
Ingon man nga milusad dayon og imbestigasyon ang mga sakop sa DSWD sa nahitabong krimen ug gipatawag ang mga ginikanan sa maong mga bata nga gitudlong nanghilabot sa 8-anyos nga batang babaye.
Sa dihang gisukit-sukit ang mga suspetsado kung nganong nabuhat nila ang pagpanamastamas sa biktima kay mitubag ra kini nga ila ra kining nakuha gikan sa usa ka pornographic website.
Sa paghulagway pa sa inahan sa iyang anak nga na-trauma kini og maghilom-hilom nalang sa ilang panimalay.
