CEBU CITY — Gi-turnover na sa Department of Social Welfare and Development (DSWD)-7 ang saad niini nga 3-million ka mga facemask sa Cebu Provincial Government.
Pinaagi niini, ipang-apod-apod sa Police Regional Office (PRO-7) ug sa Cebu Provincial Police Office (CPPO) ngadto sa mga tawo, ilabi na ang wala makasul-ob sa ilang face mask.
Kabahin kini sa mando ni Cebu Provincial Governor Gwendolyn Garcia nga bakwion na ang mga monetary penalty sa mga masakpan nga wala nagsol-ob og facemask sa probinsya.
Sa usa ka seremonya, malipayun nga gidawat ni Gov. Garcia ang mga facemask gikan kang DSWD-7 Regional Director Rebecca Geamala.
Matud pa ni Geamala nga nalipay kini nga gigayahan ni Garcia ang kapulisan nga kini nalang ang mohatag sa mga facemask sa katung mga kabus ug libod-suroy nga walay ikapalit og facemask.
Gitataw pa ni Garcia nga daku kining tabang mga kabus ug katung walay ikapalit og facemask.
Dugang pa niini nga mas malooy kini sa mga walay ikapalit kay mamultahan pa imbes nga ipalit og pagkaon sa la mesa.
