CEBU – Adunay 30 kabook nga bag-ong General Purpose Vihicle nga Sadco Motors Troops Carrier o Military Troops ang Engineer Support Company 53rd Engineer Brigade Phil. Army sa Medellin, Cebu, nga andam nang i-pag-apod-apod sa nagkadaiyang unit sa tibook Visayas.
Saysay pa ni CAPT. Eljhun Aboc, ang Executive Officer Engineer Support Company 53rd Engineer Brigade Phil. Army sa Medellin, Cebu, nga kaning mga sakyanan gipalit sa Viscom pinaagi sa modernazition program sa arm forces, ug ang maong mga military vehicles gipalit pa gikan sa russia ug naabot kini sa nakalabay nga Marso 2022, nga gibana banang mo balor ngadto sa 3-6 million matag usa nga maka karga ug 15 hangtud 19 ka tawo.
Gitataw ni CAPT. Aboc, nga ang maong bag-ong mga truck maoy ilang gipanggamit sa paghatud sa mga troopa sa nagkalain-laing misyon sama sa pagresponde sa gubat ug mga kalamidad nga mahitabo sa matag lugar, ug dako ilang pagtoo nga mas mopaspas pa ang pag serbisyo og pag-alagad sa mga sakup sa ka-sundaluhan gumikan niini.
