48 patay human nahagsa ang eroplano sa Russia

Walay pasahero nga naluwas sa pagkahagsa sa usa ka pasaheroang eroplano sa Russia.

Ang Angara Airlines nga eroplano nga adunay sakay nga 42 ka mga pasahero ug unom ka mga tripulante, nahagsa sa usa ka lasang sa rehiyon sa Amur.

Gikan sa Blagoveshchensk duol sa utlanan sa China ang Antonov An-24 nga eroplano sa dihang nawala kini sa radar screen samtang nagkaduol kini sa airport sa Tynda.

Nakaplagan sa usa ka Russian civil aviation helicopter ang nagdilaab nga fuselage sa eroplano sa bukirang bahin gikan sa Tynda.

Gipaambit usab ni Amurs regional governor Vasily Orlov nga lima ka mga bata ang lakip sa namatay.

Nagpadayon ang imbestigasyon ug tulo ka adlaw nga pagbangotan ang gideklarar.