CEBU CITY-Nakaani karon og nagkandaiyang pagsaway sa social media ang 9 ka mga Sugboanong magbabalaod nga mipirma sa pag-impeach kang VP Sara.
Diin mao sila si: Edu Rama sa 2nd District Cebu City;
Peter John Calderon sa Cebu 7th District;
Janice Salimbangon sa Cebu 4th District;
Rhea Mae Gullas sa Cebu 1st District;
Daphne Lagon sa Cebu 6th District;
Edsel Galeos sa Cebu 2nd District;
Emmarie “Lolypop” Ouano sa Mandaue Lone;
Cindy Chan sa Lapu Lapu Lone; ug Duke Frasco sa 5th District Cebu.
Nanggawas ang mga hulagway diin kauban si VP Sara Duterte o kaha si Kanhi Presidente Rodrigo Duterte diin adunay gisaw-an nga mga pahiyom kaniadto.
Ingon man nga bisan kadaghanan niini puro mga pagsaway ug giisip nga mga traydor apan, adunay mga nipadayag sa ilang kalipay sa maong lakang nga nahitabo sa kaulohan.
Sama sa pakighinabi sa Bombo Radyo Cebu kang Atty. Virgil Ligutan, professor sa UP-Diliman College of Law diin gikalipay niini nga giaksyunan na sa House of Representatives ang impeachment complaint batok kang Duterte diin usa sila sa mga misang-at sa reklamo.
