CEBU CITY- Nakaani karon og nagkadaiyang pagsaway sa social media ang 9 ka mga Sugboanong magbabalaod nga mipirma sa pag-impeach kang VP Sara.
Diin mao sila si: Edu Rama sa 2nd District Cebu City;
Peter John Calderon sa Cebu 7th District;
Janice Salimbangon sa Cebu 4th District;
Rhea Mae Gullas sa Cebu 1st District;
Daphne Lagon sa Cebu 6th District;
Edsel Galeos sa Cebu 2nd District;
Emmarie “Lolypop” Ouano sa Mandaue Lone;
Cindy Chan sa Lapu Lapu Lone; ug Duke Frasco sa 5th District Cebu.
Gumikan niini, gihalongkat sa pipila ka mga sugbuonan nga ni-suporta sa Pamilyang Duterte ang mga post sa naasoy nga mga kongresista.
Hinungdan, nga nanggawas ang ilahang mga hulagway uban ni VP Sara Duterte o kanhi Presidente Rodrigo Duterte, diin nakita sila nga nagpahiyom ug nagsuporta.
Mao nga kadaghanan sa mga mipirma naka ‘off’ ang comment section, aron malikayan nila ang masakit nga mga pulong o pang-bash sa pipila ka mga sugbuanon.
Bisan pa man nga kadaghanan niini pulos mga kritiko ug giisip nga traydor ang nahisgutang mga kongresista, adunay nipadayag sa ilang katagbawan sa mga lakang nga gihimo sa mga magbabalaod nga nahitabo sa kaulohan.
Usa na niini mao si Atty. Virgil Ligutan, propesor sa UP-Diliman College of Law, nga dili matago ang iyang kalipay nga giaksyonan sa House of Representatives ang impeachment complaint batok kang Duterte, diin lakip sila sa mga nipasaka sa 3rd impeachment complaint batok kang Bise Presidente Sara Duterte.
