Patay ang labing menos siyam ka mga tawo samtang ubay-ubay ang angol sa sunod-sunod nga airstrikes nga gilusad sa Russia ngadto sa Ukraine nga nakapasunog sa dakong religious landmark sa Kyiv.
Nasayran nga upat ka mga tawo ang patay sa pagpang-atake sa Kyiv samtang patay usab ang lima ka mga rescue workers kinsa misulay pagpalong sa kalayo nga mugna sa Russian strike sa amihanang sidlakan sa Kharkiv City.
Nadaot usab ang 11th Century Dormition Cathedral kansa sigon ni Ukrainian Prime Minister Yulia Svyrydenko usa kini ka brutal nga pag-atake sa mga tawo ug sa ilang heritage.
Ang mga drone ug missile strikes, misunog sa mga buildings ug mga sakyanan ug maoy hinungdan sa pagkagiw sa kapin 140,000 ka mga tawo sa Kyiv ilabina nga miresulta kini sa pagkaputol sa linya sa ilng kuryente, basi na usab sa pagkumpirma ni Kyiv Mayor Vitali Klitschko.
Samtang ang usa ka Ukrainian drone attack sa Tula City sa Russia kansa anaa lang sa habagatang bahin sa Moscow, mikalas og tulo ka mga tawo ug mi-angol sa laing tulo apil na sa usa ka bta nga usa ka tuig pa lang ang edad.
