Gipang-impound sa Land Transportation Office (LTO 7) ug kapulisan ang 92 ka motorsiklo sa nagkadaiyang urban centers sa Sugbo sa miaging semana isip kabahin sa gihigpitan nga kampanya batok sa mga saba nga tambutso o noise pollution.
Sumala sa report sa LTO 7 niadtong Sabado, Pebrero 28, 2026, ang maong mga operasyon gipahigayon sa mga dakbayan sa Sugbo, Mandaue, ug Talisay. Tumong niini nga masumpo ang paggamit sa illegal mufflers nga maoy hinungdan sa kasamok ug reklamo sa publiko tungod sa grabeng kaba-ba niini.
Ania ang datus sa mga motorsiklo nga na-impound:
-Mandaue City 42
-Cebu City 34
-Talisay City 16
Ang maong mga operasyon hiniusang gipahigayon sa LTO, City Transport and Traffic Operations Development Authority (CT-TODA), Mandaue Enforcement Team, ug ang Philippine National Police (PNP) Traffic Enforcement Unit sa Mandaue.
Gipahinumdoman sa mga awtoridad ang mga motorista nga tumanon ang mga lagda sa trapiko ug likayan ang pag-modify sa mga tambutso aron dili makuhaan sa sakyanan ug mag-atubang og multa.
