Cebu City-Nunot sa pag-abot sa mga world leaders para sa 31st ASEAN Summit mao ang pagahigayon og Fluvial Procession isip pagdayeg sa Birhen sa Regla sa dakbayan sa Lapu-lapu.
Matud ni Ariel Berdon ang Public Information Officer ng Lapu Lapu City government nga ika 17 na katuig nga nagpahigayon og fluvial procession sa simbahan sa pakig-alayon niini sa City government sa Lapu-lapu.
Pasado alas 5 sa kaadlawon gisakay sa Galleon ang imahe sa birhen nga gipalibutan sa lain-laing mga buwak.//Sa gipahigayong fluvial procession naghulog og mga petals ang chopper sa Philippine Air Force.Lakip usab sa misalmot sa fluvial procession ang sobra sa 20 ka mga pump boat nga adunay nagkalain-laing disenyo.
Mi-agi ang fluvial procession sa dakong parte sa kdagatan sa Mactan Island ug nahuman ang procession sa Muelle Osmeña.Gibalik ang imahe sa birhen sa Shrine of the Our Lady of the Rule sa Barangay Poblacion kung diin gipahigayon usab ang usa ka misa nga gisalmotan sa libuan ka mga deboto.
Gipangaliya usab ni Lapu-Lapu City Mayor Paz Radaza nga mamahimong malinawon ang nasud ug magmalampuson ang gipahigayong ASEAN Summit sa Pilipinas.
