Cebu City-Muabot sa 80,000 ka tao ang misalmot sa unang adlaw sa pagabli sa kapiyestahan ni Sr. Sto. Nino
Matud ni PSUPT Reyman Tolentin ang spokesperson sa Police Regional Office (PRO-7) nga generally peaceful ang maong aktibidad. Karon usab ang una nga nobenaryo ug wala silay matud pa nadawat nga threat.
Apan gihimug-atan usab ni Tolentin nga nakig-alayon na sila sa Bureau of Immigration para sa pagmonitor sa mga langyaw nga musulod sa Cebu atol sa nangsing-abot nga Sinulog Festival.Pokusan nila karon ang mga langyaw nga gikan sa Middle East nga giingong posible nga magdala og kagubot sa lugar.
Nakig-alayon na usab ang mga PNP sa Philippine Trans NAtional Crime Organization para masiguro nga walay nakasulod nga dautang elemento.
Samtang ubay-ubay usab ang kausaban sa nagsing-abot nga Sinulog Festival 2018 kung diin una na nga gidili ang pagtinda og mga balloons tungod matud pa mao kini ang hinungdan sa brown out sama sa nahitabo sa mi-aging tuig. Kini gumikan kay masangit man ang mga balloon sa wire sa poste.
Bawal usab karon ang magselfie sa prusisyon tungod kay makalangay kini sa ruta sa prusisyon ug posible nga mamahimong hinungdan sa mga disgrasya.
