Cebu City -Gihatagan ni Papal Nuncio to the Philippines , Archbishop Gabrielle Giordano Caccia ang mga mitambong sa labing una nga misa sa Baclayon Church sa Bohol human ang gihimong restoration sa National Historical Commission sadihang naguba kini sa linog niadtong Oktubre 2013.
Gipanguluhan mismo ni Archbishop Caccia ang gipahigayong misa diin atol sa iyahang homily iyahang gipasalamatan ang NHC ug ang tanang mitabang aron nga mapabarog balik ang century old church.
Gipasalamatan usab niini ang gobyerno nga nagpakita gayud ug suporta sa simbahang katoliko partikular na ang lokal nga kagamhanan sa probinsya sa Bohol ug si Cabinet secretary Leoncio Evasco nga mitambung usab sa maong misa.
Gihulgway usab sa Papal Nuncio ang simbahan nga matud pa susama sa usa ka tawo nga bisan ug natumba maningkamit gihapon nga makabarug ug balik. Suma pa niini nga ang mga tawo maong magsilbing bato sa simbahan sanglit kung wala kini dili mahimong makabarog balik ang maong estruktura.
Isip pagpasalamat sa gipakitang pagtuo sa Ginoo sa mga tawo, gihatag ni Archbishop Caccia ang blessing gikan sa Santo Papa ug mihatag usab kini ug mga stampita kon oreayer card mnga gikan mismo sa Santo Papa.
Gipahibawo usab sa Papal Nuncio nga karong adlawa mao usab ang selebrasyon sa usa ka dekada nga pakigtambayayong sa Pilipinas ug Holy see nga maoy hinungdan nganong dunay papal nuncio dinhi sa Pilipinas.
