CEBU – Naa sa state of decomposition ug dili na mahitsura ang nawong ang patay nga nakaplagan sa may baybayon sa Brgy. Mahayag, Albuera, Leyte kaganingang kaadlawon.
Base sa nakuha nga ID niini, naila ang patay’ng lawas nga si Teo Sirota, 75 anyos ug usa ka biyudo.
Matud ni PO2 Nemesio Purtiga nga pasado alas 4 kaganihang kaadlawon nakit-an ang maong patayng lawas sa anak sa kagawad sa naasoy’ng barangay nga si Danilo Jomoto Jr. ug dali kini nga mitaho sa iyang amahan. Dali usab nila nga nareport sa kapitan nga si Kapitan Rene Gilbert Estacio ug dayon gireport sa pulis.
Matud ni Purtiga nga sa ID nalang sila nagbasi sa pagkatao sa namatay sanglit dili na gyud mahitsura ang nawong niini.// Narecover usab ang pitaka sa namatay nga dunay kwarta nga nagkantidad og P4,120.
Subay niini, gikompirmar sa Vice Mayor sa Tudela, Camotes Island nga si Greman “Jojo” Solante, diin si Sirota ang maong napalgan nga patay kinsang ang asawa niini ang iyang iyaan sa pag-agawan.
Matud sa bise mayor nga sa wala pa namatay si Sirota miduol kini kaniya sanglit naa kini matud pa problema ug giingong ipapulis kini. Nagkalalis usab kini matud pa sa iyang kapuyo.
Apan gibutyag ni Solante nga duna usab kini kabanay sa Albuera gani niadtong nakalabay nga Lunes nananghid kini sa iyang ig-agaw nga muadto og Albuera pagkasunod adlaw kay matud pa gipangulbaan kini. Apan sa alas 11 palang matud pa sa gabii milakaw na kini.
Gitoohan nga nagsakayan lang kini og gamit ang bugsay sa pagpadulong sa Albuera kay nawala naman niini ang sakayan sa iyang ig-agaw.
Mahinumduman nga mipahimangno na ang Pag-asa ug ang LGU nag delikado na nga mulawig sa dagat tungod sa habagat nga dala sa bagyong Ompong.
Nasuta nga dili mananagat ang si Sirato apan usa kini ka mag-uuma og negosyante. Nasayran usab nga wala pa kini makasuway og dala og sakayan nga nag-inusara.
Naa na nahimutang sa punerarya ang patay samtang gipaabot ang kabanay niini.
