CEBU CITY-(Update)Mukabat na sa 35 ang patay sa nahitabong landslide sa Brgy Tinaan Naga City Cebu.
Base sa pinaka uwahing datus naa na sa 15 ang injured samtang 45 ang missing ug kapin 2 ka libo ka mga indibidwal ang gipahiklin sa mga evacuation center.
Samtang nangita ug pamaagi karon ang mga rescuers sa tabang sa mga lumad nga mga taga Sitio Sindulan aron makahimo ug dala ug masulod ang mga lugar nga gitoohang duna pay natabunan nga mga tawo.
Matud ni Alan Abalo , lumad nga taga Sitio Sindulan nga usa sa ilang mga kalisadanan sa pagpangita sa mga natabunan gumikan ang walay dalan nga mahimo nilang maagian.
Sa pagkakaron dugang pa ni Abalo nga usa ra gyud ang ilang dalan apan gumikan sa kahalapad sa lugar nga mihugno, duna pay mga lugar nga wala pa nasaka sa mga rescuers.
Nagsugod na usab og kabaho ang palibot sa area tungod sa mga patay nga naugkat nga naa na sa state og decomposition.
