Cebu City-Panid-an pa sa lokal nga pamunuan sa dakbayan sa Sugbo ang gibag-on sa mga tawo nga mubul-og sa mga kadalanan atol na sa pagbisita sa ilang mga miknatay sa nagkadaiyang sam-ang sa dakbayan sa Sugbo usa sila maka hukom kung pila ka lanes ang paga-ablihan.Mao kini ang gibutyag ni Cebu City Councilor Dave Tumulak
Matud ni Tumulak nga bisan ug gilauman na nila ang pagdagsa sa mga tawo sa mga sam-ang , sa gihapon itugyan nila sa CITOM ang pag assess sa mamahimong dagan sa trrapiko.Pahimangno lamang niini sa publiko nga sundon lang gayud ang mga gipagawas nga mga advisory kabahin sa mga gidili nga mga butang sulod sa mga sementeryo .
Gipasiguro usab niini nga mag roving ang mga pulis ug sa higayon nga duna silay masikop, pasakaan gayud kini ug kaso.
Samtang dili gayud tugutan nga makabyahe ang mga sakyanan nga nakitaan ug depikto, ;papeles man o pisikal nga kahimtang niini.
Matud ni Land Transportantion Franchising and Regulatory Board kon LTFRB 7 Eduardo Montealto nga sukad pa niadtong Octobre 27 ang ilang pag inspeksyon sa mga bus nga mubayahe sa nagkadaiyang dapit sa Sugbo.
Gihimug-atan niini nga gikinahanglan nga naa gyud sa maayo nga kondisyon ang sakyanan, ug kompleto ang mga parts niini aron nga malikay sa disgrasya.
Sa higayon nga masakpan sa LTFRB, pabalikon gayud kini sa ilang garahe ug dili tugutan nga makabyahe sa higayon nga dili maayo ang guba ug makumpleto ang papeles.
