P47.6-M worth of shabu nasakmit sa Cebu PNP atol sa buybust operation

Cebu City – Muabot sa 47.6 million pesos ang kantidad sa shabu nga nasakmit atol sa hini-usang operasyon sa Police Regional Office (PRO-7), Regional Special Operations Group (RSOG) ug Philippine Drug Enforcement Agency (PDEA-7) sa may Vista Montana Subd. Barangay Casili, dakbayan sa Mandaue, Cebu.

Sikop ang subject nga giila nga si Charlie Duhaylungsod Fortuna, 24 anyos ug residente sa Brgy. Inayagan, Naga City.

Gipaubos sa ka 2 buwan nga surveillance ang subject ug sa dihang maconfirm dali nga nagpahigayon og buybust operation ang mga otoridad.

Nakuha gikan sa subject ang 7 ka dagkong pakete sa gitoohang shabu nga gibana-bana nga dunay gibug-aton nga 7 kilos.

Padayon pa usab nga gisuta sa otoridad kung asa gikan ang nakuha nga shabu.