CEBU CITY-“Lesson learned but we have not learn our lesson”.
Mao kini ang pamahayag ni Cebu City Mayor Edgardo Labella subay sa nahitabo nga trahedya sa kadagatan sa Guimaras diin gikamatay sa 9 ka mga Subuanon.
Matud ni Labella nga balik balik nalang ang sama nga disgrasya apan wala gihapon kalambo-an sa mga regulasyon.
Kinahanglan na gyud matud pa nga duna nay strict government regulation niini ug dili na gyud kini masubli pa.
Isip mayor,magpadala matud pa og suwat sa Coast guard si Labella para maimbestigaran ang nahitabo nganu nga gipalarga ang gagmayng sakayang pangdagat bisan paman sa gale warning.
Dugang pa niini, mipaabot na og 5 mil pesos ang Mayor sa mga kabanay sa mga namatay ug matud pa pun-an pa kini sa Mayor.
Ang City government na usab matud pa ang maoy mu-abaga sa pagpalubong sa mga biktima.Sigon sa Mayor nga dili na niini tagaan pa og problema pa ang pamilya nga nagbangutan aron nga maibanan ang ilang kagool.
Mensahe nalang sa mayor para sa pamilya nga sanglit dili naman mabalik pa ang kinabuhi sa mga nangamatay,magmaampoon nalang ug isalig ang tanan sa labaw nga makakagagahom.
