CEBU CITY – Gihandum kaganihang buntag sa dakbayan sa Sugbo ang National Heroes Day atubangan sa Plaza Sugbo nga adunay tema nga paghandum sa mabayanihon nga gibuhat sa mga bayani sa atung nasud nga Pilipinas.
Sa speech ni Dr. Clodoveo Nacorda, ang National Historical Commission head sa Cebu City, gihimug-atan niini nga dili lang alang kang Andres Bonifacio, Dr Jose Rizal ug uban pang inila nga mga bayani ang National Heroes Day, inay alang usab sa mga wala mailhi nga bayani o unsung heroes.
Matud ni Dr Nacorda nga angayan usab hatagan ug pagtagad ang mga bag-ung bayani sama na lamang sa mga public servant nga nagtrabaho sa gobyerno kung diin walay pu-as sa paghatag ug serbisyo sa publiko alang sa paghigugma sa nasud.
Sigon pa nga dili na kinahanglan ang magarbuhon nga pamaagi sa pagtabang sa uban, inay ang pagtinarung sa serbisyo bisan pa man nga masakprisyo ang mga personal nga aspeto sa kinabuhi.
Gituhu-an ni Nacorda nga tanang tawu ang adunay mabayanihon sa kahiladman sa kaugalingon niini nga pamaagi.
Gipadayag ni Atty Barcenas nga dili sayun ang trabaho sa mga tigbalita kung diin gisakprisyo usab ang ilahang kinabuhi sa ngalan sa serbisyo publiko.
Samtang, gitawag usab ni Atty Democrito Barcenas nga bayani ang mga tigbalita kung diin 24 oras nga nagtrabaho arun nga makahatud ug balita ug impormasyon alang sa katawhang Pilipino.
