CEBU CITY-Padayong gipangita karon ang 2 sa 6 ka mga drug personality nga naka-iskapo atol sa gipahigayong buybust operation sa kapulisan sa may Purok Kumpang Brgy. Pangpang lungsod sa Cordova.
Naila ang at large nga si Loel Pakalioga alays Boyet ug usa ka High Value Target samtang wala pa matino ang laing pang at large.
Matud ni Police Staff Sergeant Vilma Degamo ang Desk Officer sa Cordova PS nga 6 ang subject sa ilang buybust apan atol sa operasyon, misukol matud ang mga subject hinungdan nga misangpot sa shoot out ang maong operasyon kung diin dead on the spot ang HVT nga si Arbis Arbillion ug si Arnel Makan, 51 anyos.
Sikop usab si Jerlyn Persilo, 29 anyos, residente sa Purok Sagrada Familya Brgy. Buagsong sa naasoy nga dapit ug si George Makan, 49 anyos usa ka user.
Nakuga gikan sa operasyon ang 5 ka medium pack sa shabu ug mga armas. Nakatakda nsa usab nga pasakaan og kaso ang mga dinakpan.
