CEBU CITY — Gihangop sa Mandaue City Government ang pagtambong sa mga opisyal, lakip na si Mayor Jonas Cortes sa Asian Smart City Conference nga gipahigayon sa Yokohama, Japan.
Mitambong sa maong 3-day conference ang mga opisyal sa Mandaue City sama nilang Executive Secretary Edu Ybañez, City Environment Officer Aracelli Barlam, ug uban pa aron makakuha og mga ideya sa gikan sa uban pang mga syudad sa Asya.
Sa maong event, i-share sa managlahing mga syudad ang mga maayong practices alang sa pagsustener sa kalambuan sa komunidad.
Matud sa City Administrator nga si Atty. Jamal Calipayan, nga mas maayong makakuha sila og mga pagtulun-an gikan sa uban pang mga syudad sa Asya aron nga makahimo sila og solusyon sa mga problema sa dakbayan.
Kini sama lang sa paghipos sa mga informal settlers, basura, trapiko, ug uban pa.
Gikalipay ni Calipayan ang maong imbitasyon gikan sa City of Yokohama ug mahimo nilang i-apply ang mga nakuhang pagtulon-an gikan sa conference.
